समितीचे मुख्य बाजार आवार आसरअल्ली रोड सिरोंचा येथे असुन बाजाराचे क्षेत्र 0.81 हे.आर. आहे. सिरोंचा बाजार समितीचे कार्यक्षेत्रात सिरोंचा तालुकापुर्ते आहेत. मुख्य बाजार आवारात 200,500,1000 मे. टन असे तिन गोदामे बांधलेले आहे, तसेच ओपन गोदाम उपलब्ध आहे. पिण्याच्या पाण्यासाठी नळ व बोरव्हेल उपलब्ध आहे. तसेच ओपन ओटे, शौचालय पुरूष व महिलांसाठी वेगवेगळे आहेत. संपुर्ण बाजार आवाराला चारही बाजुने संरक्षण भिंत असुन, बाजार समितीचे लेखे हे संगणकावरती समान लेखा पध्दतीचा (टॅली) वापर केला जातो. या बाजार समितीचे कार्यक्षेत्र हा आदिवासी भाग असुन कार्यक्षेत्रात 11 हमीभाव खरेदी केंद्र असुन, सर्व खरेदी केंद्रांना बाजार समिती तर्फे विविध सोयी-सुविधा पुरविण्यात येत असते.

बाजार समिती शेतकऱ्यांकरीता स्वनिधीतुन तारण योजना राबवित आहे. मुख्य बाजार आवारात भारत पेट्रोलियम कार्पोरेशन लि. चे पेट्रोल पंपाचे बांधकाम सुरु आहे व तसेच लवकरच राष्ट्रसंत तुकडोजी महाराज शेतकरी भवन बांधकाम प्रस्तावाला शासन निर्णय निघाला असुन, पुढील प्रक्रिया सुरू असुन लवकरच प्रत्यक्ष बांधकामाला सुरूवात होणार असुन, शेतकऱ्यांना मुक्कामाची व्यवस्था होईल.